【正向管教】心理文章分享

千萬別小看遊戲的重要性 近日接見了一位初小學生的媽媽，媽媽說兒子與她的關係惡劣，學業成績差、不願意做功課溫習、自信心差、不渴望出街，只希望留在家中玩貓，她很想透過遊戲治療去幫助孩子的成績進步。 細問之下，家長非常緊張兒子的學業成績和前途，因此集中火力催谷他。兒子每天的時間表都被媽媽排得密密麻麻 :  每天放學便要補習，補習後便由工人姐姐督促他做課外練習，待媽媽回家後便繼續跟他溫習。週末也是由早學習到夜晚。由於爸媽的生意繁忙，他們很少跟他玩或溝通學業以外的話題，更別說一起外出食飯或親子日。 「佢完全冇遊戲時間 ?  屋企有冇玩具咖 ? 」   心理學家問 「邊有時間玩 ? 佢每日都唔肯做功課，我地又好忙，屋企冇咩玩具咖」媽媽答 「有時都會帶佢出去玩嘅，我每次去都會同佢講，我帶你去玩，你就要更加比心機讀書，同埋講定會比練習佢之後做。但好奇怪，佢會話唔去玩，佢係一個唔鍾意玩嘅小朋友，我都冇哂辦法。」媽媽繼續說 「媽媽，你都曾經打過工，試諗下如果老闆帶你地出去食好野，然後同你講，我帶你出去食好野，你要更加比心機做野唔好辜負我 ;  老闆再講定你地知番到公司會有額外工作，你仲會唔會想去 ? 」 心理學家回應後，媽媽立即點頭說明白了。 然後，心理學家問了媽媽一個問題 「你覺得你個小朋友一世人最需要擁有咩 ? 」 「我諗係開心，有自信，」媽媽答 「你覺得你而家嘅教養方法係教緊佢成為開心、有自信嘅小朋友 ? 」心理學家問 聯合國把遊戲視為全世界兒童不可或缺的權利，其實，玩是非常自發的行為。除了孩子，我相信家長們都喜歡玩、享受玩樂時間，不是嗎 ? 兒童的遊戲不只是娛樂消遣、它還充滿了意義和重要性，對小朋友是非常重要的。在遊戲過程，孩子可以 :  發洩精力、學習負起生活責任、達成困難的目標、釋放感受、發洩競爭的需求、以可被接受的方式表達攻擊性   、表達想法和感受、探索關係、理解自身關係、揭露心中的願望及感到掌控，有安全感等等。 尤其重要的是，由於孩子的語言和認知發展過程仍在進行中，他們未有足夠的口語能力來...

不要讓你的孩子成為你的影子 在家長咨詢期間，媽媽向 APPHK 的輔導心理學家投訴女女 A 非常沒有禮貌， 
 令到她很沒面子。 媽媽續說 : 「上次同成家人食飯，我叫佢同人打招呼， 
 佢只係微笑講左《 HELLO 各位》然後就坐低左，唔應該咁無禮貌。」 心理學家 : 「 A 媽媽， 你覺得有禮貌既小朋友係點嫁 ? 」 
 A 媽媽 : 「至少都要同人打招呼啦」 
 心理學家 : 「嗯，咁 HELLO 各位唔算打招呼 ? 我聽到你話佢有微笑添播。」 
 A 媽媽 : 「其實我好想佢會逐個叫人，例如叔叔喝嬸嬸伯伯咁啦，我細個都係咁學， 
 呀女淨係講句 HELLO ，我覺無面，好似我唔識教女咁，我唔想俾親戚朋友 
 覺得我無家教。」 
 心理學家 : 「即係你好怕其他人覺得你教得唔好，好介意人點睇你，而唔係女女真係無禮貌，對嗎 ? 」 
 然後， A 媽媽立即支吾以對，最後承認她只是介意親戚朋友的目光，想他們認同她懂教女。 A 媽媽繼續說她覺得女女真的很反叛，唔聽話，經常令她很勞氣。當心理學家查問女女唔聽話的例子時， 
 A 媽媽投訴：「唔肯練琴囉佢，我比左咁多錢佢學琴佢都唔珍惜，我細個想學都無得學呀，唔知足呀 ! 」 
 心理學家 : 「佢唔肯彈琴呀 ?   其實彈琴係佢想學定你想佢幫你學嫁 ? 」 
 A 媽媽 : 「佢都無話唔鐘意嫁，學琴咪幾好，成日話想打籃球咁男人婆。」 
 心理學家 : 「 UM... 即係佢想打籃球，學琴唔係根據佢既興趣選擇，係你幫佢選擇既。」 以上兩個都是個別而常見的例子，當我們跟家長做咨詢時，常會發現 家長會將自己的期望、自己曾達不到的心願，甚至是自己的需要套在孩子的身上 。究竟 A 媽媽想培育出獨特的孩子，還是繼承她心願的影子 ? 自主感 (Autonomy) 是一個重要而基本的心理需要，提升孩子的自主感的方便是讓孩子根據自己的意願做決定。事實上，培育孩子的過程是充滿了可以讓孩子選擇的機會，我們建議家長嘗試提供貼近孩子喜好的選擇，繼而鼓勵孩子根據自己的意願做決定。例如 : 若果孩子對籃球或足球均有興趣，家長可以讓孩子選擇參加那一個興趣班。 多項研究顯示，若孩子被鼓勵自主選擇，他們便會感受到自己有能力去作決定，這感覺不但能提升孩子的能力感和...