要達到治療效果？家長們不能忽視你們的參與及共同努力

要達到治療效果？家長們不能忽視你們的參與及共同努力

最近，我接了一宗個案遊戲治療，原因是囡囡在校的偏差行為而令到媽媽感到非常懊惱及無助。她就讀小五，年前被診斷出讀寫障礙，而於第二次見面時，囡囡因在測驗中出貓被同學告發，最後老師更警告她將會被記過，囡囡隨即威脅老師「你記我過我死比你睇」，可是，憤怒過後即哭求「你唔好同我屋企人講，我可以罰抄留堂」。

在與媽媽做家長咨詢中，我一向會問其家庭的管教模式與關係。此時，媽媽直言爸爸非常不滿囡囡的學業成績，常直罵她又懶又蠢，更曾威脅說「如果你再唔合格我就叫老師留你班」。雖然媽媽理解囡囡的讀寫困難，不會指她蠢，但卻非常嚴厲，要囡囡的成績達到她的標準。同時，只要收到老師投訴，她會非常惡地責罵和懲罰囡囡。

家長說:「其實我地好鼓勵佢，佢電話壞左想買部新，我地只係要求佢平時默書合格，但佢好似點都做唔到，點獎勵?」

我說:「即係你地睇到女女嘅努力，只係佢做唔到?」(因為家長說無論如何她不能做到，似乎在告訴我她其實有嘗試去做」

家長說:「一開始佢都幾積極溫嘅，但之後就無喇，佢之後仲發悔氣話唔要新電話，都冇心機讀書。」

我說:「佢平時默書成績係點咖? 有冇合格過? 」 (問這個問題是想令父母知道他們的期望與囡囡的能力會否有很大差距)

家長說: 「平時都係20-30分咋，我真係好想佢可以拎次合格比我地睇。」

在當天的治療，媽媽致電我說對囡囡感到失望，不知道如何教導。而囡囡則懇求我完成治療後跟爸媽傾計，「姑娘你會唔會同媽咪傾計? 可唔可以同佢傾，傾耐啲?」。她解釋說只要我跟媽媽傾耐啲，遲點回家，媽媽回家罵她的時間便會少些。很快，我理解到囡囡在校測驗出貓，甚至哭求學校不要告訴家人的原因。

試想想: 囡囡的讀寫障礙使她在學業上面對著一定的困難，父母的不理解令她感到自卑及害怕。治療時，囡囡更向我哭訴，父母很少「冷靜友善」地跟她討論其學業或行為問題，其實囡囡並不重視自己的成績，她純綷希望避開父母的責罵，亦很想父母去認同及稱讚她。

治療後，我建議父母嘗試控制自己的憤怒情緒去跟囡囡耐心冷靜地傾談，不責怪、質問，而是聆聽及討論。第二天，當我向媽媽跟進囡囡的情況時，她告訴我昨天跟爸爸沒有罵囡囡，反而一起作出討論。媽媽告知我，囡囡昨晚是近年來首次主動向父母認錯，更說了一句「多謝」。媽媽明白責罵沒有用，只會令囡囡感到害怕及抗拒。其實，作為心理學家，我們會分析小朋友的行為問題然後作出相應治療，但只顧幫小朋友做治療是不足夠的。家長的管教、親子關係等都是影響小朋友的行為情緒問題之主因，因此，在治療時我們強調家長參與和共同努力，好多時候，只要家長願意改變，用心聆聽和理解小朋友，相信「愛的力量很大」才是可以令到囡囡改善的良方。

                                                                                                    Blog Sponser: APPHK (http://apphk.org)